അതിദാരിദ്ര്യ മുക്ത കേരളം പ്രഖ്യാപനത്തിലേക്ക് സംസ്ഥാനം എത്തിയത് ഒറ്റരാത്രി കൊണ്ടല്ലെന്ന് പൊതുമരാമത്ത് ടൂറിസം വകുപ്പ് മന്ത്രി പി.എ. മുഹമ്മദ് റിയാസ് വ്യക്തമാക്കി. “സ്വിച്ച് ഇട്ടപ്പോൾ ബൾബ് കത്തിയതുപോലെയല്ല ഈ നേട്ടം” എന്ന് അഭിപ്രായപ്പെട്ട അദ്ദേഹം, പ്രതിപക്ഷത്തിന് ഈ കാര്യങ്ങൾ അംഗീകരിക്കാൻ മടിയാണെന്നും കൂട്ടിച്ചേർത്തു. മുഖ്യമന്ത്രിയുടെ നേതൃത്വത്തിൽ നടന്ന ടീം വർക്കിൻ്റെ ഫലമാണ് ഈ പ്രഖ്യാപനമെന്നും റിയാസ് മാധ്യമപ്രവർത്തകരോട് പറഞ്ഞു.
അതേസമയം സംസ്ഥാന അധ്യക്ഷനും പി കെ കുഞ്ഞാലിക്കുട്ടിയും നിലപാട് വ്യക്തമാക്കട്ടെയെന്ന്, മുസ്ലിം ലീഗ് ജന. സെക്രട്ടറി പി എം എ സലാമിന്റെ പ്രസ്താവന സംബന്ധിച്ച ചോദ്യത്തിന് അദ്ദേഹം മറുപടി നൽകി. പി എം എ സലാമിന്റെ ഭാഷയാണോ അവര്‍ക്കും എന്ന് വ്യക്തമാക്കേണ്ടതുണ്ടെന്നും മന്ത്രി മുഹമ്മദ് റിയാസ് കൂട്ടിച്ചേർത്തു.
