മന്ത്രിമാരുടെ വിദേശയാത്രകളും ആഡംബര കാറുകളുടെ ഉപയോഗവും കഴിഞ്ഞ ദിവസങ്ങളിൽ ചർച്ചയായ സാഹചര്യത്തിൽ വിമർശനവുമായി കെ.യു. ജനീഷ് കുമാർ എംഎൽഎ. ഫേസ്ബുക്ക് കുറിപ്പിലൂടെയാണ് അദ്ദേഹം പ്രതികരിച്ചത്.

മന്ത്രിമാരുടെ വിദേശയാത്രകൾ സ്പോൺസർ ചെയ്യപ്പെടുന്നതും മുഖ്യമന്ത്രിക്ക് വിമാനം സ്പോൺസർ ചെയ്ത് എത്തിക്കുന്നതും മന്ത്രിമാർക്ക് ആഡംബര കാറുകൾ സ്പോൺസർ ചെയ്യുന്നതും ചൂണ്ടിക്കാട്ടിയായിരുന്നു ജനീഷ് കുമാറിന്റെ പ്രതികരണം.

‘മന്ത്രിമാരുടെ വിദേശ യാത്രകൾ സ്പോൺസേർഡ് ആവുമ്പോൾ, മുഖ്യമന്ത്രിക്ക് വിമാനം സ്പോൺസേർഡ് ആയി എത്തുമ്പോൾ, മന്ത്രിമാർക്ക് ആഡംബര കാർ സ്പോൺസേർഡ് ആയി എത്തുമ്പോൾ, സ്‌പോൺസർഷിപ്പ് നൽകുന്ന മുതലാളിമാരുടെ ലക്ഷ്യം എന്താണ്? ഇഡി എവിടെയാണ്? ഇഡിയുടെ കഴുത്തിലെ ചങ്ങല ആരുടെ കയ്യിലാണ്?’ എന്നാണ് കെ.യു. ജനീഷ് കുമാർ ഫേസ്ബുക്കിൽ കുറിച്ചത്.