കാർഷിക നിയമത്തിനെതിരായി കേരള നിയമസഭ പാസാക്കിയ പ്രമേയം കേന്ദ്രസർക്കാരിന് അയയ്ക്കില്ലെന്ന് ഗവർണർ ആരിഫ് മുഹമ്മദ് ഖാൻ. കഴിഞ്ഞ ദിവസം നിയമസഭ കൂടി പാസാക്കിയ പ്രമേയമാണ് കേന്ദ്രസർക്കാരിന് നൽകില്ലെന്ന് ഗവർണർ പറഞ്ഞത്.

'പ്രമേയം അയക്കാനുള്ള നിർദേശം ലഭിച്ചട്ടില്ല, അതിനാലാണ് ഇത്തരമൊരു തീരുമാനം എടുത്തത്'- അദ്ദേഹം വ്യക്തമാക്കി. മഹേശ്വരം ശ്രീ പാർവതി ക്ഷേത്ര ദർശനം നടത്തിയതിന് ശേഷം സംസാരിക്കുകയായിരുന്നു ഗവർണർ.

താനും സർക്കാരിന്റെ ഭാഗമാണ.് ഭരണഘടനാനുസൃതമായ കാര്യങ്ങളാണ് താൻ ചെയ്യുന്നതെന്നും ഗവർണ്ണർ പറഞ്ഞു . സംസ്ഥാന സർക്കാരുമായി ഭിന്നതയില്ലെന്നും അദ്ദേഹം കൂട്ടി ചേർത്തു. കോവിഡ് പ്രതിരോധത്തിൽ സർക്കാർ മികച്ച പ്രവർത്തനമാണ് കാഴ്ചവെക്കുന്നത്. പ്രത്യേക നിയമസഭാ സമ്മേളനത്തിന്റെ അടിയന്തര സാഹചര്യം വിശദീകരിക്കാത്തതാണ് എതിർത്തതെന്നും ഗവർണർ പറഞ്ഞു.