കെ​പി​സി​സി അ​ധ്യ​ക്ഷ​ൻ മു​ല്ല​പ്പ​ള്ളി രാ​മ​ച​ന്ദ്ര​ന് കോവിഡ്-19 ആ​ണെ​ന്ന് വ്യാ​ജ​പ്ര​ച​ര​ണം. സ്ഥി​തി​ഗു​രു​ത​ര​മാ​ണെ​ന്നാ​ണ് സ​മൂ​ഹ​മാ​ധ്യ​മ​ങ്ങ​ളി​ലൂ​ടെ​യു​ള്ള പ്ര​ച​ര​ണം. ത​ല​ശേ​രി സ്വ​ദേ​ശി നൗ​ഷാ​ദ് മാ​ണി​ക്കോ​ത്തി​ന്‍റെ ഫേ​സ്ബു​ക്ക് ഐ​ഡി​യി​ൽ​നി​ന്നാ​യി​രു​ന്നു ഈ ​വ്യാ​ജ​സ​ന്ദേ​ശം. ഒ​രു ദു​ഖ​വാ​ര്‍​ത്ത​യെ​ന്ന ത​ല​ക്കെ​ട്ടി​ല്‍, മു​ല്ല​പ്പ​ള്ളി​ക്ക് ക​ര​ള്‍ സം​ബ​ന്ധ​മാ​യ അ​സു​ഖം ഉ​ള്ള​തി​നാ​ല്‍ സ്ഥി​തി ഗു​രു​ത​ര​മാ​ണെ​ന്ന് മെ​ഡി​ക്ക​ല്‍ ബോ​ര്‍​ഡ് അ​റി​യി​ച്ചി​ട്ടു​ണ്ടെ​ന്നും ആ​യു​സി​ന് വേ​ണ്ടി എ​ല്ലാ​വ​രും പ്രാ​ര്‍​ഥി​ക്ക​ണ​മെ​ന്നു​മാ​യി​രു​ന്നു പോ​സ്റ്റ്.

കോ​ണ്‍​ഗ്ര​സ് നേ​താ​ക്ക​ള്‍ ഫോ​ണി​ല്‍ വി​ളി​ച്ച് ചോ​ദി​ച്ച​പ്പോ​ഴാ​ണ് മു​ല്ല​പ്പ​ള്ളി വി​വ​രം അ​റി​യു​ന്ന​ത്.നേരത്തേ വ്യാജ ഇ-മെയിൽ ഐഡി ഉപയോഗിച്ച്‌ തന്റെ പേരിൽ ധനസഹായാഭ്യർത്ഥന നടത്തി വ്യാപകമായി പണം തട്ടിപ്പ് നടക്കുന്നതായി മുല്ലപ്പള്ളി രാമചന്ദ്രൻ മുഖ്യമന്ത്രി പിണറായി വിജയനും ഡിജിപിക്കും പരാതി നൽകിയിരുന്നു.
തന്റെ പേരിൽ വ്യാജ ഇ-മെയിൽ ഐഡി ഉണ്ടാക്കി തട്ടിപ്പ് നടത്തുന്നവരെ എത്രയും വേഗം പിടികൂടി നിയമത്തിന് മുന്നിൽ കൊണ്ടുവരണമെന്നും മുഖ്യമന്ത്രിക്കും കേരള പൊലീസ് മേധാവിക്കും നൽകിയ പരാതിയിൽ മുല്ലപ്പള്ളി ആവശ്യപ്പെട്ടു.

കഴിഞ്ഞ ദിവസങ്ങളിൽ ഇത്തരം തട്ടിപ്പ് വ്യാപകമായി നടന്നതായി സഹപ്രവർത്തകരാണ് ശ്രദ്ധയിൽപ്പെടുത്തിയത്. ഇത്തരം തട്ടിപ്പ് സംഘത്തിന്റെ വലയിൽ വീഴാതിരിക്കാൻ എല്ലാവരും ജാഗ്രത പുലർത്തണമെന്നും അദ്ദേഹം വ്യക്തമാക്കി.