വി ഡി സതീശനെ മുഖ്യമന്ത്രിയായി പ്രഖ്യാപിച്ച തീരുമാനത്തെ വിമർശിച്ച് ബിജെപി രംഗത്ത്. വി ഡി സതീശന്റെ മുഖ്യമന്ത്രിസ്ഥാനം കേരള മുസ്ലീം ലീഗിന്റെ സ്വാധീനത്തിലാകുമെന്നതിന്റെ സൂചനയാണെന്നാണ് ബിജെപി ആരോപിച്ചത്.
മുസ്ലീം ലീഗിന്റെ സമ്മർദത്തെ തുടർന്നാണ് സതീശന് മുഖ്യമന്ത്രിസ്ഥാനം ലഭിച്ചതെന്നും ബിജെപി വിമർശിച്ചു.“കോൺഗ്രസിന്റെ യഥാർത്ഥ ഹൈക്കമാൻഡ് ഇപ്പോൾ പാണക്കാട് ഹൗസാണ്” എന്നും ബിജെപി സംസ്ഥാന ഘടകം പ്രതികരിച്ചു. ഫേസ്ബുക്കിൽ പങ്കുവെച്ച കുറിപ്പിലൂടെയാണ് ബിജെപിയുടെ വിമർശനം.
വി ഡി സതീശനെ മുഖ്യമന്ത്രിയായി പ്രഖ്യാപിച്ചതിന് പിന്നാലെ കോൺഗ്രസിനുള്ളിലും മുന്നണിക്കുള്ളിലും രാഷ്ട്രീയ ചർച്ചകൾ ശക്തമായിരിക്കെയാണ് ബിജെപിയുടെ പ്രതികരണം പുറത്തുവന്നിരിക്കുന്നത്. മുസ്ലീം ലീഗിന്റെ പിന്തുണയും ഇടപെടലും മുഖ്യമന്ത്രി തീരുമാനത്തിൽ നിർണായകമായെന്ന ആരോപണമാണ് ബിജെപി ഉയർത്തുന്നത്.
