രാജ്യത്ത്‌ കോവിഡ്‌ കേസുകൾ 55 ലക്ഷത്തോടടുത്തു. കോവിഡ്‌ മരണം 87500 ലേറെയായി. 24 മണിക്കൂറിനിടെ 92,605 രോ​ഗികള്‍.1133 മരണം. നിലവിൽ 10,10,824 പേർ ചികിത്സയിലുണ്ട്. 43,03,044 പേർ രോഗമുക്തരായി. രോഗമുക്തരിൽ 60 ശതമാനവും മഹാരാഷ്ട്ര, കർണാടക, ആന്ധ്രപ്രദേശ്, ഉത്തർപ്രദേശ്, തമിഴ്‌നാട് എന്നീ അഞ്ചു സംസ്ഥാനങ്ങളിൽനിന്നാണ്.

രോ​ഗികളായത് 32,238 അർധസൈനികര്‍. അർധസൈനിക വിഭാഗത്തിലെ 32,238 പേർക്ക്‌ ഇതുവരെ കോവിഡ്‌ ബാധിച്ചതായി കേന്ദ്ര ആഭ്യന്തര സഹമന്ത്രി നിത്യാനന്ദ് റായ് ലോക്‌സഭയിൽ പറഞ്ഞു. കൂടുതൽ രോഗബാധ സിആർ‌പി‌എഫുകാർക്കാണ്‌ 9,158 പേർ. ബി‌എസ്‌എഫിലെ 8,934 പേർക്കും സി‌ഐ‌എസ്‌എഫിലെ‌ 5,544പേര്‍ രോ​ഗികളായി.

●ബിജെപി എംഎൽഎയും മഹാരാഷ്ട്ര മുൻ മന്ത്രിയുമായ സുധീർ മുങ്കൻതിവാറിന് (58)കോവിഡ്

●ബോളിവുഡ് നടി മലൈക്ക അറോറയ്‌ക്ക് രോഗമുക്തി

●മഹാരാഷ്‌ട്രയിൽ കേസുകൾ 12 ലക്ഷം കടന്നു 

●കർണാടകയിൽ കോവിഡ്‌ മരണം 8000 കടന്നു. യുപിയിൽ മരണം അയ്യായിരത്തിലേറെ