അനധികൃത സ്വത്ത് സമ്പാദന കേസുമായി ബന്ധപ്പെട്ട് സി.ബി.ഐയില്‍ നിന്ന് സമന്‍സ് ലഭിച്ചതായി കോണ്‍ഗ്രസ് കര്‍ണാടക അധ്യക്ഷൻ ഡി. കെ ശിവകുമാര്‍. നവംബര്‍ 25 ന് അന്വേഷണ ഏജന്‍സിക്ക് മുന്നില്‍ ഹാജരാകുമെന്ന് അദ്ദേഹം അറിയിച്ചു.

ഒക്ടോബര്‍ 5 ന് സി.ബി.ഐ കര്‍ണാടക, ദില്ലി, മുംബൈ എന്നിവയുള്‍പ്പെടെ 14 സ്ഥലങ്ങളില്‍ റെയ്ഡ് നടത്തിയിരുന്നു. 57 ലക്ഷം രൂപ, സ്വത്ത് രേഖകള്‍, ബാങ്കുമായി ബന്ധപ്പെട്ട വിവരങ്ങള്‍, കമ്പ്യൂട്ടര്‍ ഹാര്‍ഡ് ഡിസ്‌ക് തുടങ്ങിയ നിരവധി രേഖകളും റെയ്ഡില്‍ കണ്ടെത്തിയെന്നും അന്വേഷണം തുടരുകയാണെന്നും അന്വേഷണ ഏജന്‍സി വ്യക്തമാക്കിയിരുന്നു.