ബദരീനാഥ്, കേദാര്നാഥ് ക്ഷേത്രങ്ങളില് ഇതരമതസ്ഥര്ക്ക് പ്രവേശന വിലക്ക്
അഡ്മിൻ
ബദരീനാഥ്, കേദാര്നാഥ് ക്ഷേത്രത്തിലേക്കുള്ള പ്രവേശനം ഇനി ഹിന്ദുക്കള്ക്ക് മാത്രം. ചതുര്ധാം യാത്രയുടെ ഭാഗമായ ഈ രണ്ടുക്ഷേത്രങ്ങളിലും ഹിന്ദു ഇതര മതസ്ഥര്ക്ക് പ്രവേശന വിലക്ക് ഏര്പ്പെടുത്തുമെന്ന് ക്ഷേത്ര ഭരണസമിതി അറിയിച്ചു.
ക്ഷേത്ര സമിതിയുടെ കീഴിലുള്ള എല്ലാ ക്ഷേത്രങ്ങളിലും അഹിന്ദുക്കള്ക്ക് പ്രവേശനം നിരോധിക്കുമെന്ന് ബികെടിസി പ്രസിഡന്റ് ഹേമന്ത് ദ്വിവേദി പറഞ്ഞു.ഇതുസംബന്ധിച്ച നിര്ദ്ദേശം വരാനിരിക്കുന്ന ക്ഷേത്ര കമ്മിറ്റി ബോര്ഡ് യോഗത്തില് പാസാക്കും.
ആറ് മാസത്തെ ശീതകാല അവധിക്ക് ശേഷം ഏപ്രില് 23-ന് ബദരീനാഥ് ക്ഷേത്രത്തിന്റെ നട തുറക്കും. കേദാര്നാഥ് ക്ഷേത്രത്തിന്റെ നട തുറക്കുന്ന തീയതി ശിവരാത്രി ദിനത്തില് പ്രഖ്യാപിക്കും. ബദരീനാഥ്-കേദാര്നാഥ് ധാം ഉള്പ്പെടെ ബദരീനാഥ്-കേദാര്നാഥ് ക്ഷേത്ര കമ്മിറ്റി നിയന്ത്രിക്കുന്ന എല്ലാ ക്ഷേത്രങ്ങള്ക്കും ഈ നിയമം ബാധകമാണ്.
