പ്രതിപക്ഷ നേതാവ് പിണറായി വിജയൻ, പി.എ. മുഹമ്മദ് റിയാസ്, ടി. വീണ എന്നിവർക്ക് എതിരെ അന്വേഷണം ആവശ്യപ്പെട്ട് ഇ.ഡി ഡിജിപിക്ക് കത്തയച്ച സംഭവത്തിൽ പ്രതികരണവുമായി മന്ത്രി പി.എ. മുഹമ്മദ് റിയാസ്. ഏത് അന്വേഷണവും നടക്കട്ടെയെന്നും തങ്ങൾ ഒരു തെറ്റും ചെയ്തിട്ടില്ലെന്നും അദ്ദേഹം വ്യക്തമാക്കി.

കേസ് നിലവിൽ പരിഗണനയിലായതിനാൽ കൂടുതൽ പ്രതികരിക്കുന്നില്ലെന്നും എന്നാൽ തങ്ങൾ നിരപരാധികളാണെന്ന കാര്യത്തിൽ പൂർണ ആത്മവിശ്വാസമുണ്ടെന്നും റിയാസ് പറഞ്ഞു. ഇ.ഡിയുടെ നീക്കങ്ങൾക്ക് പിന്നിലെ രാഷ്ട്രീയം രാജ്യം കണ്ടതാണെന്നും എത്ര വേട്ടയാടാൻ ശ്രമിച്ചാലും അതിനെ ഭയപ്പെടുന്നില്ലെന്നും അദ്ദേഹം വിമർശിച്ചു.

കഴിഞ്ഞ കുറേ വർഷങ്ങളായി അടിസ്ഥാനരഹിതമായ ആരോപണങ്ങളും വാർത്തകളും പ്രചരിപ്പിക്കപ്പെടുകയാണെന്നും ഓരോ ദിവസവും പുതിയ ആരോപണങ്ങൾ ഉയർന്നാലും അതിൽ ആശങ്കയില്ലെന്നും അദ്ദേഹം പറഞ്ഞു. ആരെയും ഭയക്കുന്നില്ലെന്നും സത്യം തെളിയിക്കാനുള്ള ആത്മവിശ്വാസം പൂർണമായും ഉണ്ടെന്നും റിയാസ് കൂട്ടിച്ചേർത്തു.

ഇ.ഡി അന്വേഷണത്തിന് പിന്നിൽ രാഷ്ട്രീയ താൽപര്യങ്ങളുണ്ടെന്ന കാര്യം നേരത്തേ തന്നെ ചൂണ്ടിക്കാട്ടിയിരുന്നുവെന്നും അദ്ദേഹം ആവർത്തിച്ചു.