ഏഷ്യാനെറ്റിനെതിരെ നിയമനടപടിക്ക് ഒരുങ്ങുന്നതായി എം.എൽ.എ പി.എ. മുഹമ്മദ് റിയാസ്. തനിക്കെതിരെ വ്യാജവാർത്തകൾ സൃഷ്ടിക്കുകയും പ്രസ്താവനകൾ വളച്ചൊടിക്കുകയും അവഹേളനപരമായ പ്രചാരണങ്ങൾ നടത്തുകയും ചെയ്ത് മാധ്യമസ്ഥാപനം നിരന്തരം വ്യക്തിഹത്യ നടത്തുകയാണെന്ന് അദ്ദേഹം ആരോപിച്ചു.

ഫേസ്ബുക്ക് പോസ്റ്റിലൂടെയാണ് റിയാസ് ഇക്കാര്യം അറിയിച്ചത്. വസ്തുതകളെ വളച്ചൊടിച്ച് സംഘടിത രീതിയിൽ വ്യക്തിഹത്യ നടത്തുകയാണെന്നും അതിനെതിരെ നിയമപരമായി മുന്നോട്ടുപോകാൻ തീരുമാനിച്ചതായും അദ്ദേഹം വ്യക്തമാക്കി.

“എനിക്കെതിരെ വ്യാജവാർത്തകൾ പടച്ചുണ്ടാക്കിയും, പ്രസ്താവനകൾ വളച്ചൊടിച്ചും, അവഹേളനപരമായ പോസ്റ്ററുകൾ പ്രചരിപ്പിച്ചും ഏഷ്യാനെറ്റ് നിരന്തരം വ്യക്തിഹത്യ നടത്തുകയാണ്. വസ്തുതകളെ വളച്ചൊടിച്ച് നടത്തുന്ന ഈ സംഘടിത വ്യക്തിഹത്യയ്‌ക്കെതിരെ നിയമപരമായി മുന്നോട്ടുപോകാൻ തീരുമാനിച്ചിരിക്കുകയാണ്,” എന്നാണ് മുഹമ്മദ് റിയാസ് ഫേസ്ബുക്ക് പോസ്റ്റിൽ കുറിച്ചത്.