അതിജീവിതയെ അധിക്ഷേപിച്ചതിന് കേസിൽ അറസ്റ്റ് ചെയ്യപ്പെട്ട രാഹുൽ ഈശ്വറെ പൂജപ്പുര ജില്ലാ ജയിലിൽ നിന്ന് സെൻട്രൽ ജയിലിലേക്ക് മാറ്റിയതായി റിപ്പോർട്ട്. നിരാഹാര സമരം ആരംഭിച്ചതായി ജയിൽ സൂപ്രണ്ടിന് എഴുതി നൽകിയതിനെ തുടർന്നാണ് നടപടി. നിരാഹാര നിലയിൽ അദ്ദേഹത്തെ കൂടുതൽ അടുത്ത് നിരീക്ഷിക്കാനും ആവശ്യമായ ചികിത്സ ലഭ്യമാക്കാനുമാണ് സെൻട്രൽ ജയിലിലേക്ക് മാറ്റിയത്. നിലവിൽ രാഹുൽ വെറും വെള്ളം മാത്രമാണ് ഉപയോഗിക്കുന്നത്.
അന്വേഷണത്തിനിടെ ഇത്തരത്തിലുള്ള സോഷ്യൽ മീഡിയ പോസ്റ്റുകൾ ചെയ്യുന്നത് ഗൗരവകരമാണെന്ന് കോടതി ചൂണ്ടിക്കാട്ടി, തിരുവനന്തപുരം എസിജെഎം കോടതി അദ്ദേഹത്തിന്റെ ജാമ്യാപേക്ഷ തള്ളുകയും, ജാമ്യമില്ലാ വകുപ്പുകൾ പ്രകാരം അറസ്റ്റ് തുടരുകയും ചെയ്തു.
അതേസമയം, പീഡന കേസിൽ ഒളിവിലായിരുന്ന എം.എൽ.എ രാഹുൽ മാങ്കൂട്ടം തമിഴ്നാട്–കർണാടക അതിർത്തിയിലുള്ള ബാഗലൂർ റിസോർട്ടിലാണ് കഴിഞ്ഞതെന്ന വിവരങ്ങളും പുറത്തുവന്നു. പൊലീസ് സംഘം എത്താൻ മണിക്കൂറുകൾ മുമ്പ് തന്നെ അദ്ദേഹം റിസോർട്ടിൽ നിന്ന് മാറിപ്പോയതായി സൂചനയുണ്ട്. ഞായറാഴ്ചയാണ് മാങ്കൂട്ടം ഇവിടെ എത്തിയതെന്ന് റിപ്പോർട്ടുകൾ പറയുന്നു.
