കഴിഞ്ഞ പത്ത് വർഷത്തിനിടെ “കേരളത്തിൽ ഒന്നും നടക്കില്ല” എന്ന പഴയ ധാരണ പൂര്‍ണമായി മാറി, സംസ്ഥാനത്തിന്റെ വിവിധ മേഖലകളിൽ വിപുലമായ വികസനം സൃഷ്ടിക്കാനായതിനെ തുടർന്നു ഇന്ന് എല്ലാ മേഖലയിലും കേരളം നേട്ടങ്ങൾ കൈവരിച്ചിരിക്കുകയാണെന്ന് മുഖ്യമന്ത്രി പിണറായി വിജയൻ പറഞ്ഞു. കൊല്ലത്ത് നടന്ന LDF റാലിയും പൊതുസമ്മേളനവും ഉദ്‌ഘാടനം ചെയ്ത് സംസാരിക്കുകയായിരുന്നു അദ്ദേഹം.

“ഇന്ന് കേരളത്തിലെ ജീവിത സാഹചര്യങ്ങൾ മാറി. അതിനാവശ്യമായ അടിസ്ഥാന സൗകര്യങ്ങൾ സർക്കാരിന് ഒരുക്കാനായി. 2016 ന് മുമ്പ് കേരളത്തിന്റെ അവസ്ഥ അത്യന്തം മോശമായിരുന്നു; ജനങ്ങൾ ഭരണത്തെ ശപിച്ചുകൊണ്ടിരുന്നു. കേരളത്തിന് പുറത്ത് കാര്യങ്ങൾ മെച്ചപ്പെട്ടപ്പോൾ പോലും ഇവിടെ യുഡിഎഫ് സർക്കാരിനെതിരെ ജനങ്ങളിൽ നിരാശ നടന്നു. എന്നാൽ 2016 ൽ ഭരണത്തിലേറിയ എൽഡിഎഫ് എല്ലാ വെല്ലുവിളികളും നേരിട്ട് ജനങ്ങളുടെ നിരാശയെ പ്രത്യാശയാക്കി മാറ്റി,” അദ്ദേഹം പറഞ്ഞു.

2016-ൽ LDF നൽകിയ വാഗ്ദാനങ്ങളിൽ 520 എണ്ണം സർക്കാർ നടപ്പാക്കിയെന്ന് അദ്ദേഹം ഓർമ്മിപ്പിച്ചു. “ഇന്ന് നമ്മുടെ നാടിനെ ലോകം മുഴുവൻ അംഗീകരിക്കുന്ന ഒരു നിലയിലേക്ക് നയിക്കാൻ കഴിഞ്ഞു,” മുഖ്യമന്ത്രി കൂട്ടിച്ചേർത്തു.