പി.എം ശ്രീ പദ്ധതി നടപ്പാക്കുന്നതുമായി ബന്ധപ്പെട്ട് സംസ്ഥാന സർക്കാർ എന്ത് നിലപാട് സ്വീകരിക്കണമെന്ന കാര്യത്തിൽ അനിശ്ചിതത്വം തുടരുന്നു. കഴിഞ്ഞ എൽഡിഎഫ് സർക്കാരിനെയും നിലവിലെ യുഡിഎഫ് സർക്കാരിനെയും പ്രതിസന്ധിയിലാക്കിയ വിഷയമായതിനാൽ പദ്ധതിയിൽ മുന്നോട്ടുപോകാനുള്ള തീരുമാനം വലിയ വിവാദങ്ങൾക്കും വിമർശനങ്ങൾക്കും വഴിവെച്ചിരുന്നു.

വിഷയത്തിൽ നാളെ ചേരുന്ന യുഡിഎഫ് യോഗത്തിന്റെ നിലപാട് സർക്കാരിന് നിർണായകമാകും. ഇന്ന് മന്ത്രിസഭാ യോഗം ചേരുന്നുണ്ടെങ്കിലും പി.എം ശ്രീ വിഷയം അജണ്ടയിൽ ഉൾപ്പെടാൻ സാധ്യത കുറവാണെന്നാണ് സൂചന. പദ്ധതിയെക്കുറിച്ച് ചർച്ച ചെയ്യാൻ ഉപസമിതി യോഗം ചേരുമോയെന്ന കാര്യത്തിലും ഇതുവരെ വ്യക്തത വന്നിട്ടില്ല. കഴിഞ്ഞ മന്ത്രിസഭാ യോഗത്തിൽ വിഷയം പരിഗണിക്കുമെന്ന പ്രതീക്ഷ ഉണ്ടായിരുന്നെങ്കിലും അത് ചർച്ചയായിരുന്നില്ല.