വിഴിഞ്ഞം തുറമുഖത്തിലെ ഓഹരി കൈമാറ്റവുമായി ബന്ധപ്പെട്ട് അദാനി ഗ്രൂപ്പ് സംസ്ഥാന സർക്കാരിന്റെ മുൻകൂർ അനുമതി തേടിയിരുന്നില്ലെന്ന് വിവരാവകാശ നിയമപ്രകാരം ലഭിച്ച മറുപടിയിൽ വ്യക്തമാകുന്നു. അതേസമയം, ഓഹരികൾ കൈമാറാൻ സർക്കാരിന്റെ മുൻകൂർ അനുമതി ആവശ്യമാണ് എന്നതാണ് കരാർ വ്യവസ്ഥയെന്നും തുറമുഖ വകുപ്പ് അറിയിച്ചു.

മുഖ്യമന്ത്രി നിയമസഭയിൽ അദാനി ഗ്രൂപ്പിനോട് അതൃപ്തി അറിയിച്ചിട്ടുണ്ടെന്ന് പറഞ്ഞിരുന്നെങ്കിലും, ഇതുമായി ബന്ധപ്പെട്ട് രേഖാമൂലമുള്ള നോട്ടീസോ വിശദീകരണ കത്തോ നൽകിയിട്ടില്ലെന്നാണ് വകുപ്പിന്റെ മറുപടി. ഇതോടെ വിഷയത്തിൽ പുതിയ രാഷ്ട്രീയ ചർച്ചകൾക്ക് തുടക്കമായിരിക്കുകയാണ്