ഭൂമി അവരുടേതാണ്
സുഗതകുമാരി
 |
|
സംസ്ഥാനത്തിന്റെ പല ഭാഗത്തും ആദിവാസികള്‍ ഭൂമിക്കായി ദാഹിക്കുന്നുണ്ട്. അവരുടെ ഭൂസമരത്തിന്റെ ചരിത്രത്തിന് വളരെയേറെ കഥകള്‍ പറയാനുണ്ട്. സ്വാതന്ത്യ്രം നേടി അറുപത്തിയഞ്ച് വര്‍ഷം കഴിഞ്ഞിട്ടും ആദിവാസികളില്‍ ഭൂരിപക്ഷവും ഭൂരഹിതരായി ജീവിക്കുന്നു എന്ന് പറയുന്നത് നമ്മള്‍ അവകാശപ്പെടുന്ന പ്രബുദ്ധതയുടെ മുഖത്തേറ്റ അടിയാണ്. മണ്ണിന്റെ അവകാശികളായ ആദിവാസികള്‍ കഠിനാധ്വാനം ചെയ്ത് ജീവിക്കുന്നവരാണ്. ദീര്‍ഘകാലമായി കടുത്ത ചൂഷണത്തിന് വിധേയരാവുന്നവര്‍. വനഭൂമിയില്‍ നിന്നുള്ള വിഭവങ്ങള്‍ ശേഖരിച്ചാണ് അവര്‍ജീവിതം പ്രകാശിപ്പിക്കുന്നത്. ആ ഭൂമിയില്‍ നിന്നാണ് അവരെ ആട്ടിയോടിപ്പിക്കപ്പെടുന്നത്. അവരുടെ ലോകം ചുരുങ്ങി വരുന്നു. രാജ്യത്ത് ഒരു വനാവകാശ നിയമം ഉണ്ടെങ്കിലും നാട് വളരുകയും കാട് തളരുകയും ചെയ്യുന്നു. വനാവകാശികള്‍ തുരത്തപ്പെടുന്നു. |
സംസ്ഥാനത്തിന്റെ പല ഭാഗത്തും ആദിവാസികള്‍ ഭൂമിക്കായി ദാഹിക്കുന്നുണ്ട്. അവരുടെ ഭൂസമരത്തിന്റെ ചരിത്രത്തിന് വളരെയേറെ കഥകള്‍ പറയാനുണ്ട്. സ്വാതന്ത്യ്രം നേടി അറുപത്തിയഞ്ച് വര്‍ഷം കഴിഞ്ഞിട്ടും ആദിവാസികളില്‍ ഭൂരിപക്ഷവും ഭൂരഹിതരായി ജീവിക്കുന്നു എന്ന് പറയുന്നത് നമ്മള്‍ അവകാശപ്പെടുന്ന പ്രബുദ്ധതയുടെ മുഖത്തേറ്റ അടിയാണ്. മണ്ണിന്റെ അവകാശികളായ ആദിവാസികള്‍ കഠിനാധ്വാനം ചെയ്ത് ജീവിക്കുന്നവരാണ്. ദീര്‍ഘകാലമായി കടുത്ത ചൂഷണത്തിന് വിധേയരാവുന്നവര്‍. വനഭൂമിയില്‍ നിന്നുള്ള വിഭവങ്ങള്‍ ശേഖരിച്ചാണ് അവര്‍ജീവിതം പ്രകാശിപ്പിക്കുന്നത്. ആ ഭൂമിയില്‍ നിന്നാണ് അവരെ ആട്ടിയോടിപ്പിക്കപ്പെടുന്നത്. അവരുടെ ലോകം ചുരുങ്ങി വരുന്നു. രാജ്യത്ത് ഒരു വനാവകാശ നിയമം ഉണ്ടെങ്കിലും നാട് വളരുകയും കാട് തളരുകയും ചെയ്യുന്നു. വനാവകാശികള്‍ തുരത്തപ്പെടുന്നു.
കുറെക്കാലം മുമ്പ് സി കെ ജാനുവിന്റെ നേതൃത്വത്തില്‍ നിരവധി ആദിവാസികള്‍ സംസ്ഥാന തലസ്ഥാനത്ത് എത്തിയിരുന്നു. സെക്രട്ടേറിയറ്റിന് മുന്നില്‍ അവര്‍ കുടിലുകള്‍ കെട്ടി. അടിച്ചമര്‍ത്തപെട്ടവന്റെ സമരത്തിന്റെ പുതിയഭാവം കണ്ട് നഗരം ലജ്ജിച്ച് തലതാഴ്ത്തി. ഭൂമിയില്ലാത്ത ആദിവാസികള്‍ക്ക് അഞ്ചേക്കര്‍ ഭൂമി നല്‍കും എന്നാണ് അന്ന് സമരത്തിന്റെ ഒത്തുതീര്‍പ്പിലേക്കെത്തിച്ച വാഗ്ദാനം. പക്ഷെ, അത് നടപ്പിലായില്ല. അതിന് ശേഷമാണ് മുത്തങ്ങക്കാട്ടിലെ ജീവജാലങ്ങള്‍ വിറങ്ങലിച്ചുപോയ മുത്തങ്ങ സംഭവം അരങ്ങേറിയത്.
വീണ്ടും വാര്‍ത്തകളില്‍ ആദിവാസികള്‍ ഭൂമിക്ക് വേണ്ടി സമരത്തിനിറങ്ങുന്നു എന്ന് കേള്‍ക്കുന്നു. തിരക്കുകള്‍ക്കിടയില്‍ നമുക്ക് ഇവരെ ഓറ്ത്തെടുക്കണം. ഇവരുടെ ജീവിതത്തെ പറ്റി ചിന്തിക്കണം. ഇവരും മനുഷ്യരാണെന്ന് പരിഗണിക്കണം. ഒരു മുത്തങ്ങ ഇനിയും ആവര്‍ത്തിക്കരുത്.