കരുണയും കണ്ണുനീരുമില്ലാത്ത സാമ്രാജ്യത്വം
സീതാറാം യച്ചൂരി
 |
|
ഭീകരതയെ കുറിച്ചുള്ള അമേരിക്കന്‍ ഭരണാധികാരികളുടെ പുതിയ സൂത്രവാക്യമാണ് ആ രാജ്യത്തെ ഒരു ഗുരുദ്വാരയില്‍ കടന്നുചെന്ന് ആറ് സിഖുകാരെ വെടിവച്ചുകൊല്ലാന്‍ അമേരിക്കയിലെ മുന്‍ സൈനികമേധാവിക്ക് പ്രചോദനം നല്‍കിയത്. മുസ്ളിമാണെന്ന് തെറ്റിദ്ധരിച്ചാണ് സിഖുകാരെ വെടിവച്ച് കൊന്നതെന്നാണ് പറയുന്നത്. തലപ്പാവും താടിയും കണ്ടപ്പോള്‍ അങ്ങനെയൊരു തോന്നലുണ്ടായി എന്നാണ് പറയുന്നത്. 2001ലെ ഭീകരാക്രമണത്തിനുശേഷം അമേരിക്കയില്‍ പലപ്പോഴായി സിഖുകാര്‍ ആക്രമണത്തിനിരയായി. അഞ്ചുലക്ഷത്തോളം സിഖുകാര്‍ താമസിക്കുന്ന രാജ്യമാണ് അമേരിക്ക. അവിടെ തോക്കുപയോഗിക്കുന്നതിന് നിയന്ത്രണമില്ല. തോക്ക് കൈവശംവയ്ക്കുന്നത് മനുഷ്യാവകാശമായി പരിഗണിക്കപ്പെടുന്നു. അമേരിക്കയിലെ ഈ സാമ്രാജ്യത്വസംസ്കാരം ആഗോളവല്‍ക്കരണനയത്തോടൊപ്പം അന്യരാജ്യങ്ങളിലേക്കും കയറ്റുമതി ചെയ്യുകയാണ്. |
മനുഷ്യജീവന് തെല്ലും വിലകല്‍പ്പിക്കാത്ത സാമ്രാജ്യത്വസംസ്കാരം അതിവേഗം ആഗോളവ്യാപകമായി പടര്‍ന്ന് പന്തലിക്കുന്ന കാഴ്ചയാണ് നാം കാണുന്നത്. ഹിരോഷിമയിലും നാഗസാക്കിയിലും നിരപരാധികളെ ആറ്റംബോംബ് വര്‍ഷിച്ച് കൂട്ടത്തോടെ കൊന്നൊടുക്കിയത് യുദ്ധം ജയിക്കാന്‍പോലുമായിരുന്നില്ല. ലോകം ഇന്നും അതോര്‍ക്കുന്നു. മാനവരാശി നിലനില്‍ക്കുന്നിടത്തോളംകാലം ഈ കൂട്ടക്കുരുതി മറക്കാനും പൊറുക്കാനും കഴിയുന്നതല്ല. അമേരിക്കയുടെ ക്രൂരത ഇവിടംകൊണ്ട് അവസാനിക്കുന്നില്ല. വിയറ്റ്നാമിലും ഇന്‍ഡോനേഷ്യയിലും ഇറാഖിലും അഫ്ഗാനിസ്ഥാനിലും ആയിരക്കണക്കിന് നിരപരാധികളെ സായുധാക്രമണം നടത്തി കൊലപ്പെടുത്തി. തങ്ങള്‍ക്കിഷ്ടമില്ലാത്ത സ്വതന്ത്ര പരമാധികാര രാഷ്ട്രത്തിലെ ഭരണാധികാരികളെ എല്ലാ നിയമങ്ങളും നഗ്നമായി ലംഘിച്ച് വകവരുത്തി ജനാധിപത്യം പുനഃസ്ഥാപിക്കാനെന്നപേരില്‍ പാവസര്‍ക്കാരുകളെ അധികാരത്തിലെത്തിച്ചു.
ഭീകരതയെ കുറിച്ചുള്ള അമേരിക്കന്‍ ഭരണാധികാരികളുടെ പുതിയ സൂത്രവാക്യമാണ് ആ രാജ്യത്തെ ഒരു ഗുരുദ്വാരയില്‍ കടന്നുചെന്ന് ആറ് സിഖുകാരെ വെടിവച്ചുകൊല്ലാന്‍ അമേരിക്കയിലെ മുന്‍ സൈനികമേധാവിക്ക് പ്രചോദനം നല്‍കിയത്. മുസ്ളിമാണെന്ന് തെറ്റിദ്ധരിച്ചാണ് സിഖുകാരെ വെടിവച്ച് കൊന്നതെന്നാണ് പറയുന്നത്. തലപ്പാവും താടിയും കണ്ടപ്പോള്‍ അങ്ങനെയൊരു തോന്നലുണ്ടായി എന്നാണ് പറയുന്നത്. 2001ലെ ഭീകരാക്രമണത്തിനുശേഷം അമേരിക്കയില്‍ പലപ്പോഴായി സിഖുകാര്‍ ആക്രമണത്തിനിരയായി. അഞ്ചുലക്ഷത്തോളം സിഖുകാര്‍ താമസിക്കുന്ന രാജ്യമാണ് അമേരിക്ക. അവിടെ തോക്കുപയോഗിക്കുന്നതിന് നിയന്ത്രണമില്ല. തോക്ക് കൈവശംവയ്ക്കുന്നത് മനുഷ്യാവകാശമായി പരിഗണിക്കപ്പെടുന്നു. അമേരിക്കയിലെ ഈ സാമ്രാജ്യത്വസംസ്കാരം ആഗോളവല്‍ക്കരണനയത്തോടൊപ്പം അന്യരാജ്യങ്ങളിലേക്കും കയറ്റുമതി ചെയ്യുകയാണ്.
മനുഷ്യജീവന് വിലയില്ല. വിപണിയാണ് എല്ലാം നിശ്ചയിക്കുന്നത്. പരമാവധി ലാഭമാണ് സമൂഹത്തിന്റെ ലക്ഷ്യം. ഇതാണ് സാമ്രാജ്യത്വ ആഗോളവല്‍ക്കരണത്തിന്റെ കാഴ്ചപ്പാട്. ഈ സംസ്കാരം നമുക്ക് വേണമോ, അതല്ല അതില്‍നിന്ന് നമ്മുടെ സമൂഹത്തെ രക്ഷപ്പെടുത്തേണ്ടതുണ്ടോ എന്നതാണ് മുഖ്യമായ പ്രശ്നം. അശോകന്റെയും ഗാന്ധിജിയുടെയും അഹിംസയുടെയും നാട് എന്ന് വിശേഷിപ്പിക്കുന്ന ഇന്ത്യയില്‍ ഭരണകൂട ഭീകരത അനുദിനം വര്‍ധിക്കുന്നു. വലതുപക്ഷ,ബിജെപി സര്‍ക്കാരിന്റെ നിയമപാലന സംവിധാനങ്ങള്‍ മര്‍ദനോപാധികളായി മാറുന്നു. വിദ്യാര്‍ഥികളെ പോലും തോക്കും ലാത്തിയും ഗ്രനേഡും ഉപയോഗിച്ച് ശത്രുക്കളോടെന്നപോലെ പെരുമാറാന്‍ പൊലീസിന് ഭരണാധികാരികള്‍ നിര്‍ദേശം നല്‍കുന്നു. ലോക്കപ്പിലും പൊലീസ് കസ്റഡിയിലും മൂന്നാംമുറയുടെ പ്രയോഗം നിത്യസംഭവമായി.
അമേരിക്കയില്‍ നിരപരാധികളായ സിഖുകാരുടെ നേര്‍ക്കുണ്ടാകുന്ന അക്രമണങ്ങളും നിരവധിപേരെ കൊന്നൊടുക്കുന്നതും ഒരു പുതിയ സംഭവമല്ല. ഭീകരത എന്ന് ആര്‍ത്ത് വിളിക്കുമ്പോള്‍ സ്വന്തം നിഴല്‍ ഭീകരമായി വളരുന്നത് അവര്‍ അറിയാതെ പോവുന്നു. അത്തരത്തിലുള്ള ഒരു മനുഷ്യ നിര്‍മിതിയാണ് സാമ്രാജ്വത്വം നിര്‍വഹിക്കുന്നത്. അതിന് ആരോടും കരുണയില്ല. കണ്ണുനീരില്ല. ഉള്ളത് ലാഭത്തിന്റെയും അരാഷ്ട്രീയതയുടെയും സ്വാര്‍ത്ഥതയുടെയും പ്രത്യയശാസ്ത്രപരിസരം മാത്രമാണ്.